News
Լրահոս
News
Հինգշաբթի
Հոկտեմբեր 17
USD
476.76
EUR
526.2
RUB
7.42
ME-USD
0.07
Տեսնել լրահոսը

NEWS.am-ի տեղեկություններով` ՀՀ նախկին ոստիկանապետ Վլադիմիր Գասպարյանի կողմից իշխանությունը ենթադրյալ չարաշահելու վերաբերյալ քրեական գործով նրա դեմ ցուցմունքներ են տվել ՀՀ երրորդ նախագահ Սերժ Սարգսյանի եղբոր` Ալեքսանդր Սարգսյանի նախկին թիկնապահները։ Մեր տեղեկություններով` այս գործով առաջիկայում ռազմական ոստիկանության նախկին պաշտոնյաներ են հարցաքննվելու։

Հիշեցնենք, որ ՔԿ–ում հարուցված քրեական գործով Վլադիմիր  Գասպարյանին մեղադրանք է առաջադրվել՝ ՀՀ քրեական օրենսգրքի 375-րդ հոդվածի 2-րդ մասով (Իշխանությունը չարաշահելը, որն անզգուշությամբ առաջացրել է նյութական ծանր հետեւանքներ):

Քննությամբ ձեռք բերված տվյալների համաձայն՝ Վլադիմիր Գասպարյանը,  1997թ. հունիսից  2010 թվականի հոկտեմբերը զբաղեցնելով ռազմական ոստիկանության պետի, այնուհետեւ՝ մինչեւ 2011թ. նոյեմբերը՝ ՀՀ պաշտպանության փոխնախարարի պաշտոնը, տեղյակ լինելով, որ ՀՀ ՊՆ զորամասի 3 զինծառայողներ, համապատասխանաբար,  2001, 2004, եւ 2009թթ.-ից, նշված զորամասում հրամանագրված լինելով որպես ռազմական ոստիկան, նշանակման օրվանից չեն ներկայանում զինծառայության, այլ դրա փոխարեն կատարում են այլ աշխատանք , այն է՝ նրանցից մեկը աշխատել է որպես ՀՀ երրորդ նախագահ Սերժ Սարգսյանի եղբայր՝ Լյովա Սարգսյանի վարորդ, իսկ երկուսը՝ Ալեքսանդր Սարգսյանի թիկնապահներ, անձնական այլ շահագրգռվածությունից եւ խմբային շահերից ելնելով, նշված անձանց բարեհաճ վերաբերմունքին արժանանալու համար, չարաշահելով իր պաշտոնեական լիազորությունները՝ թույլ է տվել վերը նշված ծառայողներին կատարել իրենց կարգավիճակից  չբխող աշխատանքներ: Արդյունքում, չկատարելով իրենց բուն գործառույթները եւ չհաճախելով զորամաս, զինծառայողները չեն ազատվել զբաղեցրած պաշտոններից, ինչի հետեւանքով նրանց ՀՀ պետական բյուջեից անհիմն վճարվել է ընդհանուր 21.691.481 ՀՀ դրամ՝պետությանը պատճառելով առանձնապես խոշոր չափերով վնաս:

Նշենք, որ քրեական գործը հարուցվել է դեռեւս 2018–ին, սակայն Վլադիմիր Գասպարյանը գործով, որպես մեղադրյալ է ներգրավվել մեկ տարի անց։ Նա չի ընդունում առաջադրված մեղադրանքը եւ հրաժարվում է քննության այս փուլում ցուցմունքներ տալուց։

Հավելենք, որ ներկայումս Վլադիմիր Գասպարյանի առնչությամբ քրեական գործեր են քննվում նաեւ ԱԱԾ–ում եւ ՀՔԾ–ում։ Գասպարյանը մեղադրյալի դատավարական կարգավիճակ ունի միայն ՔԿ–ում քննվող գործով։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Պակիստանի եւ Հնդկաստանի միջեւ վիճելի Քաշմիրում փոխհրաձգություն է տեղի ունեցել
Անանդը հայտարարել է, որ Պակիստանը երկուշաբթի եւ երեքշաբթի գնդակոծել է հնդկական բանակի երկու տասնյակ պահակակետ․․․
Կինը կահույք առաքելու պատրվակով մեկ այլ կնոջից հափշտակել էր 110 հազար դրամ
Հոկտեմբերի 14-ին ոստիկանության Եղեգնաձորի բաժնում հաղորդում էր ստացվել, որ մի կին խաբեությամբ եւ վստահությունը չարաշահելու եղանակով...
Այս անկառավարելի վիճակի մեղավորը իշխանություններն են. Վարուժան Ավետիսյանը՝ ոստիկանի սպանության մասին
Դատապարտում եմ անշուշտ և շատ խիստ եմ դատապարտում...
Դիլիջան քաղաքից դեպի թունել տանող հատվածում հրդեհ է բռնկվել
Այրվել է մոտ 4 հա խոտածածկույթ և ջերմահարվել՝ 80 եղևնի…
Միջադեպ «Զվարթնոց»-ում. Հաշվառողը բռունցքով հարվածել է քաղաքացուն. հնչել են հայհոյանքներ
Հոկտեմբերի 15-ին, ժամը 17-ին, «Զվարթնոց» օդանավակայանի գծային բաժնի ծառայության վաշտի ոստիկանները մեկնման սրահի հաշվառման սեղանների մոտից...
Իրավապահները Պռոշյան գյուղում հայտնաբերել են Ազատության պողոտայում ոստիկանից խլված ատրճանակը. դեպքը բացահայտված է
Ոստիկանի հաշվեցուցակային ատրճանակը հայտնաբերվել է կասկածյալների բնակության վայրում...
Ամենաշատ
Ֆոտոռեպորտաժներ