News
Լրահոս
News
Ուրբաթ
Դեկտեմբեր 13
USD
477.71
EUR
531.55
RUB
7.56
ME-USD
0.05
Տեսնել լրահոսը

Ռոբերտ Քոչարյանի փաստաբան Հովհաննես Խուդոյանը դատավոր Աննա Դանիբեկյանի ինքնաբացարկի մասին միջնորդություն է ներկայացրել:

Փաստաբանը հիշեցրեց, որ սեպտեմբերի 20-ին դատավորը մերժել է Ռոբերտ Քոչարյանին ազատ արձակելու միջնորդությունը, ընդ որում, նշվել է նախկին նախագահի կողմից քննությունից խուսափելու կասկածների բացակայությունը, իսկ քննության վրա հնարավոր ազդեցության վերաբերյալ դատարանը հաստատեց, որ ռիսկերը նվազել են, սակայն դեռեւս պահպանվում են: Փաստաբանը հիշեցրեց նաեւ ՍԴ-ի որոշումները, որն այդ թվում նշել է որոշման հիմնավորման եւ կալանքի այլընտրանքի անհրաժեշտությունը: Նոյեմբերի 7-ին դատարանը կրկին մերժեց գրավի դիմաց ազատ արձակման մասին Քոչարյանի փաստաբանների միջնորդությունը, ընդ որում, հիմնավորումներ չնշելով: Հաշվի առնելով դատարանի սուբյեկտիվ բացասական վերաբերմունքը՝ Հովհաննես Խուդոյանը միջնորդեց դատավորի ինքնաբացարկի մասին: Փաստաբանն օրինակ բերեց դատավոր Դանիբեկյանի այլ որոշումները, որոնք նա կայացրել է նման իրավիճակներում: Ընդ որում, դատավորի որոշումները ցույց են տալիս, որ նա ծանոթ է ինչպես Եվրոպական դատարանի պահանջներին, այնպես էլ ՍԴ որոշմանը:

Փաստաբան Հայկ Ալումյանը նշեց, որ մինչ ՍԴ-ի հայտնի որոշումը, օրենքում գրավի կիրառման հետ կապված մաս կար, եւ շատ դատավորներ առաջնորդվում էին եվրոպական պրակտիկայով: «Նման դատավորներից մեկը Դուք էիք, որն առաջնահերթ էր համարում Եվրոպական կոնվենցիան եւ ՄԻԵԴ որոշումները: Եվ Դուք բացարձակ ճիշտ եք վարվել, ինչն ավելի ուշ հաստատվեց»,- հիշեցրեց փաստաբան Հայկ Ալումյանը: «Հարցն այն է, թե ինչո՞ւ Ռոբերտ Քոչարյանի դեպքում նման մոտեցում չցուցաբերեցիք: Դա մեզ թույլ է տալիս խոսել երկակի ստանդարտների մասին»,- շարունակեց նա:

Փաստաբաններ Արամ Վարդեւանյանն ու Ռուբեն Սահակյանը եւս ներկայացրեցին իրենց փաստարկները: Սահակյանը հիշեցրեց, որ դատավորը «հիմնավորել է» որոշումը կարճ ստանդարտ ձեւակերպմամբ: Ռոբերտ Քոչարյանին ուղղված դատավորի հարցին, թե արդյոք նա միանում է միջնորդությանը, նախկին նախագահը նկատեց. «Իսկ Դուք կասկածո՞ւմ էիք»: Այլ մեղադրյալների փաստաբաններ միացան միջնորդությանը:

Մեղադրող կողմը հանդես եկավ միջնորդության դեմ: Դատախազներ Պետրոսյանի եւ Բաղդասարյանի կարծիքով՝ փաստաբանները սխալ են մեկնաբանում դատարանի ներկայացրած հիմնավորումները: Դատախազ Պետրոսյանը կարծիք հայտնեց, որ միջնորդությունը կրկնվում է որոշակի նյուանսներով, եւ դա իրավունքի չարաշահման դասական օրինակ է, որը գործընթացը փակուղի մտցնելու նպատակ ունի: 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Դատավորները չեն ուզում գլխացավանքի մեջ ընկնել. Վիկտոր Սողոմանյանը՝ Քոչարյանի գործով դատավորի ինքնաբացարկի մասին
Ես չեմ հիշում, որեւէ դեպք, երբ որեւէ հարցով, որեւէ գործով 6 կամ 7 դատավոր բացարկ վերցրած լինի...
Օրերի հարց է, կազդուրվելու է. Վիկտոր Սողոմանյանը՝ Քոչարյանի առողջական վիճակի մասին
Ես վստահ չեմ, որ նոր վիրահատություն է եղել...
Ռոբերտ Քոչարյանի գործով նոր դատավորի եղբայրը հակաքոչարյանական է. Slaq.am
ՀՀ երկրորդ նախագահ Ռոբերտ Քոչարյանի խափանման միջոցի գործով վերաքննիչ բողոքը մակագրվել է Լուսինե Աբգարյանին…
Ռոբերտ Քոչարյանի փաստաբանների բողոքարկմամբ Վերաքննիչ դատարանի նիստը նշանակված է դեկտեմբերի 16-ին
Սա նոր կազմով առաջին նիստն է, գործը մակագրվել է դատավոր Լուսինե Աբգարյանին…
Ռոբերտ Քոչարյանն «Իզմիրլյան» բժշկական կենտրոնում բուժզննում է անցել
Առաջիկա օրերին շարունակել Քոչարյանի ռեաբիլիտացիան ստացիոնար պայմաններում...
Քոչարյանի գործը՝ դատավորների քննություն․ Yerevan Today
Վերջին շրջանում հատկապես ընդունված է խոսել դատավորների նկատմամբ հանրային վերաբերմունքի մասին...