Գյումրիի ավտոմաքսատունը շատ օպերատիվ է գործում, մեկ մեքենայի մաքսազերծումը մեկ րոպեից ավել չի տեւում: Այս մասին այսօր՝ դեկտեմբերի 17-ին, լրագրողների հետ հանդիպման ժամանակ նշեց ՊԵԿ նախագահի տեղակալ Էդվարդ Հովհաննիսյանը:
«Իսկ հերթեր կարող են գոյանալ, որովհետեւ գիտենք, թե ինչ ժամանակաշրջան է բաժին ընկել Գյումրիի ավտոմաքսատան աշխատանքին: Հերթեր առաջ տալու լուրերը մենք էլ լսել ենք, եթե կան կոնկրետ դեպքեր, մենք կարող ենք դրան արձագանքել: Հսկողությունն իրականացվում է շատ բարձր մակարդակով»,-ընդգծեց նա:
