News
Լրահոս
News
Շաբաթ
Ապրիլ 04
USD
502.97
EUR
543.86
RUB
6.56
ME-USD
0.03
Տեսնել լրահոսը

Հեռավար ուսուցումը կարող է լինել միայն լրացում եւ անհրաժեշտ միջոց լինել, սակայն` ոչ ուսուցման հիմնական ձեւ, քանի որ այն դեռ չի կարող փոխարինել ռեալ ձեւաչափով դասերի կազմակերպումը: Այս մասին NEWS.am-ի թղթակցի հետ զրույցում ասաց կրթության բնագավառի փորձագետ Սերոբ Խաչատրյանը:

Ըստ նրա` Հայաստանի դեպքում խնդիրը բարդանում է նրանով, որ ուսուցիչների մոտ թվային դասավանդման տեխնոլոգիաների ոլորտում հմտությունների եւ գիտելիքների պակաս կա, բացի այդ, ոչ բոլոր աշակերտներն են օգտվում տեխնոլոգիաներից: «Այս խնդիրն ավագ դպրոցի աշակերտների համար պակաս շոշափելի է, սակայն նման կտրուկ փոփոխությունները լուրջ բացասական ազդեցություն կունենան տարրական դասարանների երեխաների վրա»,- ասաց նա:

Խաչատրյանը հավելեց, որ ուսուցման հեռավար ձեւը փորձարկում է, որը կարող է կիրառվել միայն մարդկանց դասերից չկտրելու համար: «Սակայն այս ամենը սպոնտան բնույթ է կրում, ինչը նաեւ խնդիրներ է առաջացնում կրթության նկատմամբ վերահսկողության ոլորտում, այդ թվում նաեւ այն պատճառով, որ դասընթացներն անցկացվում են տարբեր առցանց հարթակներում: Դրական ազդեցությունը կարող է լինել այն, որ ուսուցիչներն ավելի ու ավելի շատ են գիտակցում թվային տեխնոլոգիաների բնագավառում գիտելիքներ ձեռք բերելու կարեւորությունը, որոնք կարող են կիրառել ապագայում ֆորս-մաժորների դեպքում»,- շեշտեց նա:

Ինչ վերաբերում է դիմորդներին, ապա այստեղ, ըստ փորձագետի, անհրաժեշտ է լուծել ընդունելության եւ բանակ զորակոչի ժամանակահատվածների սինխրոնացման խնդիրը, որպեսզի տղաները հասցնեն քննություններ հանձնել: «Դասընթացների կազմակերպման առումով խնդիր կարող է առաջանալ այն անձանց համար, ովքեր չեն պարապում դասուցույցների հետ: Ստացվում է, որ վերջին 3 ամսվա ընթացքում նրանց կրթական ծառայություններ կարող են չտրամադրել, ինչը կարող է բարդացնել ընդունելությունը բուհեր»,- եզրափակեց Սերոբ Խաչատրյանը:

Հիշեցնենք, որ ՀՀ կառավարությունը արտակարգ դրություն է հայտարարել, որն ուժի մեջ է մտել մարտի 16-ին եւ կտեւի մինչեւ ապրիլի 14-ը: Այս ժամանակահատվածում ուսումնական հաստատություններում դասերը դադարեցվել են, բայց դրանցից շատերը անցում են կատարում հեռավար ուսուցման:

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Արարատի մարզպետը նախարարի հետ այցելել է կորոնավիրուսով վարակվածներին սպասարկող Արտաշատի բժշկական կենտրոն
Շնորհակալություն եմ հայտնում մեր հերոս բուժաշխատողներին՝ ամենաօրյա սրտացավ…
Արգենտինայի մայրաքաղաքում կարանտինի ֆոնին 50%-ով նվազել է օդի աղտոտվածությունը
Շրջակա միջավայրի պաշտպանության գործակալությունը տվյալներ է հավաքել մարտի 20-25-ը մթնոլորտում աղտոտող նյութերի առկայության մասին եւ համեմատել է դրանք անցյալ տարվա նույն ժամանակահատվածի հետ․․․
Ռուսաստանում գրանցվել է կորոնավիրուսով երեխաների վարակման 235 դեպք. ՏԱՍՍ
Նրանցից 17-ի մոտ թոքաբորբ է...
Ստամբուլահայ գրողն ու իր կինը կորոնավիրոսով վարակվելու կասկածանքով հիվանդանոց են տեղափոխվել. Sozcu
Առավել մանրամասներ դեռ չկան...
Ժողովրդին ստիպում են մնալ տանը, որ ընդվզում չլինի. Գևորգ Պետրոսյան
Հազարավոր սովյալներ ունենք, ու իշխանավորներից ոչ մեկի պետքը չի...
Իսպանիայի կառավարությունը որոշում է կայացրել բարձր պատրաստվածության ռեժիմի` մինչեւ ապրիլի 26-ը երկարաձգման մասին
Թագավորությունում արդեն մոտ 125 հազար հիվանդ է գրանցվել, մահացել է 11 744 մարդ...
Ամենաշատ