Մինչեւ 2030 թվականը մեկ կիլոգրամ արհեստական մսի գինը կհավասարվի սովորական մսի գնին՝ 5,66 դոլար, գրում է HighTech+-ը՝ հղում անելով հետազոտությանը:
Հետազոտողները համեմատել են ավանդական մսային արդյունաբերության եւ նոր տեխնոլոգիաների ազդեցությունը շրջակա միջավայրի վրա եւ հայտնաբերել, որ կուլտիվացված մսի օգտագործման դեպքում ածխածնային հետքը կնվազի 80 տոկոսով: Բացի այդ, կնվազի գլոբալ տաքացման վրա ազդեցությունը 17 տոկոսով, եթե խոսքը թռչնամսի մասին է, 52 տոկոսով, եթե խոսքը խոզի մսի մասին է, եւ 85-92 տոկոս՝ տավարի մսի դեպքում: