Սիրիայում նոր Սահմանադրության նախագծի հանրաքվեն տեղի կունենա փետրվարի 26-ին: Այս մասին հայտնել է Սիրիայի պետական հեռուստաընկերությունը:
Հիշեցնենք, որ Սիրիայի նախագահ Բաշար Ասադը փետրվարի 12-ին Դամասկոսում ընդունել է երկրի նոր Սահմանադրության նախապատրաստման հանձնաժողովի անդամներին, որոնք նրան են հանձնել երկրի նոր հիմնական օրենքը:
Նոր ժողովրդավարական Սահմանադրության ընդունումը 2011 թվականի մարտի կեսերին Սիրիայում սկսված հակակառավարական բողոքներից հետո սիրիական ընդդիմության գլխավոր պահանջներից է, հիշեցնում է «ՌԻԱ Նովոստին»: