նախընտրելի դարձնելԱՄՆ-ում հրապարակել են Ուիթնի Հյուսթոնի մահվան մասին հայտնող հեռախոսազանգի ձայնագրությունը: Հյուրանոցի հսկիչը, որտեղ գտնվել էր երգչուհին, հեռախոսավարին պատմում է, որ համարի լոգարանում հայտնաբերվել է 46-ամյա կին, եւ նրան օգնություն է անհրաժեշտ:
Ահա թե ինչպիսի տեսք ունի հեռախոսազրույցի սղագրությունը ըստ Life News-ի:
Ալո, սա «Բեւերլի Հիլթոն» հյուրանոցի պահակային ծառայության աշխատակիցն է: Մեզ շտապ բժիշկներ են հարկավոր: Համարներից մեկի լոգարանում 46-ամյա կին է գտնվել, նա օգնության կարիք ունի:
Նա կաթվա՞ծ է ստացել:
Ես վստահ չեմ` նա ընկել է, թե ջրով լի լոգարանում է եղել:
Նա շնչո՞ւմ է:
Երբ նրան գտան, ամենայն հավանականությամբ շնչում էր:
Իսկ հիմա՞:
Չգիտեմ: Կնոջ վիճակի մասին ինձ հայտնել է նրան հայտնաբերած աղջիկը: Նա հիստերիայի մեջ վազեց ինձ մոտ եւ որոշակի ոչինչ չկարողացավ ասել, բացի նրանից, որ անհրաժեշտ է շուտ շտապօգնություն կանչել: Այժմ մենք գնում ենք նրա սենյակ:
Պարզ է, մենք գալիս ենք:
Ուիթնի Հյուսթոնը մահացել է փետրվարի 11-ին «Բեւեռլի Հիլթոն» հյուրանոցի համարներից մեկում: Աշխատակիցները`ոճաբանը, վարսավիրը եւ թիկնապահներն սկսել են անհանգստանալ, քանի որ երգչուհին երկար ժամանակ դուրս չէր գալիս լոգարանից: Այդ ժամանակ ոճաբանը մտել է ներս եւ, ականատես լինելով ահասարսուռ տեսարանին, բղավել է: Դրանից հետո թիկնապահը զանգահարել է շտապօգնություն:
