նախընտրելի դարձնելՌուսաստանի ժողովրդական արտիստ, Մոսկվայի «Ռոմեն» գնչուական թատրոնի ռեժիսոր Գեորգի Ժեմչուժնին ապրիլի 13-ի երեկոյան սրտի հատվածում ցավերի գանգատով տեղափոխվել է հիվանդանոց եւ գտնվում է վիրաբուժության վերակենդանացման բաժանմունքում:
«Կոմսոմոլսկայա պրավդա» թերթը հայտնում է, որ 2011թ. ռեժիսորին վիրահատել են Բուրդենկոյի անվան նյարդավիրաբուժության ինստիտուտում:
Գեորգի Ժեմչուժնին «Ռոմեն» թատրոնի գնչուական ստուդիա է ընդունվել 16 տարեկանում: 1968 թվականին գնացել է սովորելու Թատերական արվեստի ռուսական համալսարանում, իսկ 1973 թվականին վերադարձել է թատրոն` արդեն որպես ռեժիսոր:
«Ռոմենում» համարյա 40 տարվա աշխատանքի ընթացքում Ժեմչուժնին բեմադրել է «Տաք արյուն», «Երկնագույն քարի գաղտնիքը», «Խելագարություն», «Օլեսյա», «Վիվա, Կարմեն» եւ այլ ներկայացումներ: «Գնչուական երդում» (1986 թվական) ֆիլմի սցենարիստ-ռեժիսորն է:
