Իսրայելի վարչապետ Բենիամին Նեթանյահուն, ամենայն հավանականությամբ, չի հանդիպի ԱՄՆ նախագահ Դոնալդ Թրամփին հաջորդ շաբաթ Նյու Յորքում կայանալիք ՄԱԿ-ի Գլխավոր ասամբլեայի ընթացքում։ Ամերիկացի պաշտոնյան The Times of Israel-ին հայտնել է, որ Նեթանյահուն ներառված չէ համաշխարհային առաջնորդների հետ Թրամփի հանդիպումների ժամանակացույցում։

Նրա խոսքով՝ երեքշաբթի օրը Թրամփը բանակցություններ կվարի Մեծ Բրիտանիայի, Մեքսիկայի և Ճապոնիայի ղեկավարների հետ, որից հետո կվերադառնա Վաշինգտոն և կհանդիպի Չինաստանի Ժողովրդական Հանրապետության նախագահ Սի Ծինփինի հետ։

Նեթանյահուն ելույթ կունենա ՄԱԿ-ի Գլխավոր ասամբլեայում հինգշաբթի օրը և Նյու Յորքում կմնա մոտ մեկ օր։ Ամերիկացի պաշտոնյայի գնահատմամբ՝ նման ծանրաբեռնված գրաֆիկի պայմաններում Թրամփն ու Նեթանյահուն հազիվ թե առանձին հանդիպման ժամանակ գտնեն։

Անցյալում Թրամփն ու Նեթանյահուն բազմիցս բանակցություններ են անցկացրել Վաշինգտոնում և այլ վայրերում։ Սակայն այս անգամ, եղած տեղեկությունների համաձայն, ՄԱԿ-ի Գլխավոր ասամբլեայի շրջանակում նրանց աշխատանքային գրաֆիկները երկկողմ հանդիպում չեն նախատեսում։