նախընտրելի դարձնելՀուլիսի 5-ին, ժամը 18.20-ին, ոստիկանության Երեւան քաղաքի վարչության հերթապահ մասից ոստիկանության Շենգավիթի բաժնում հաղորդում է ստացվել, որ իրենց է զանգահարել Արթուր Ի.-ն եւ հայտնել, որ հորաքրոջ տանից գողություն է կատարվել եւ գողին բռնել են Գարեգին Նժդեհի հրապարակի մոտ:
Ոստիկանության լրատվության վարչությունից հայտնում են, թե նույն օրը, ժամը 18.40-ին, ոստիկանության Երեւան քաղաքի վարչության ծառայողները Գարեգին Նժդեհի հրապարակից, գողություն կատարելու կասկածանքով, բերման են ենթարկել 33-ամյա Արսեն Գ.-ին:
Պարզվել է, որ նա նույն օրը, ժամը 13.00-ին, բաց դռնից մուտք է գործել 70-ամյա Սիլվա Հ.-ի բնակարան եւ նրա ներկայությամբ հյուրասենյակի աթոռի վրայից բացահայտ հափշտակել Արթուր Ի.-ի հագուստները, որի գրպանում եղել են ավտոմեքենայի եւ տան բանալիները եւ 7 հազար դրամ:
Արսեն Գ.-ն տվել է խոստովանական բացատրություն:
Հանգամանքները պարզվում են, կատարվում է նախաքննություն:
