ՆախընտրելիՄեծ Բրիտանիայի ամենահարուստ կանանցից մեկին` Եվա Ռաուզինգին մահացած են հայտնաբերել Լոնդոնի կենտրոնում գտնվող իր տանը, հաղորդում է ԻՏԱՌ-ՏԱՍՍ-ը` հղում կատարելով բրիտանական ԶԼՄ-ներին: Նա «TetraPak» փաթեթավորման շնորհիվ միլիարդների կարողություն կուտակած ընտանիքի ներկայացուցիչն է:
48-ամյա կնոջ մահվան պատճառը թմրանյութերի չափաքանակի գերազանցումն է եղել: Նշվում է, որ նա մահացել է երկուշաբթի, բայց այդ մասին հայտարարվել է միայն այսօր: Կնոջ դին հայտնաբերվել է Լոնդոնի հեղինակավոր Բելգրավյա թաղամասում նրա ընտանիքին պատկանող տանը:
Ոստիկանությունն այնտեղ ձերբակալել է նաեւ 49-ամյա տղամարդու, ով իր հետ թմրանյութեր է ունեցել: Նրա անունը չի հաղորդվում: Ամերիկուհի Եվա Ռաուզինգը 49-ամյա Հանս-Քրիստիան Ռաուզինգի` ընտանեկան հարուստ ժառանգորդի կինն էր: Ռաուզինգները ծագումով շվեդ են, սակայն նրանց մի մասը բնակվում է Միացյալ Թագավորությունում:
