նախընտրելի դարձնելԼեդի Գագայի դեմ դատարանում հայց են ներկայացրել` պահանջելով վճարել 10 միլիոն դոլարի փոխհատուցում պայմանագրի պայմանները խախտելու համար: Հայցը ներկայացրել է տիկնիկներ արտադրող MGA Entertainment ընկերությունը, որոնք հայտնի մարդկանց նման տիկնիկներ է արտադրում: Ըստ պայմանագրի` «Լեդի Գագա» տիկնիկները պետք է նրա երգերից հատվածներ երգեին:
MGA Entertainment-ը 1 միլիոն դոլար էր վճարել Bravado International-ին, որն զբաղվում է Լեդի Գագայի հետ կապված արտադրանքը շուկայում ներկայացնելով, եւ մեծ գումարներ էր ծախսել, որպեսզի ամռանն արտադրվի տիկնիկների առաջին խմբաքանակը:
Սակայն գարնանը Bravado International-ն անսպասելի ընդդիմացել էր, որ տիկնիկները երգեն, իսկ այնուհետեւ փորձել էր նրանց արտադրությունը հետաձգել մինչեւ հաջորդ տարի, հայտնում է «ՌԻԱ Նովոստին»` վկայակոչելով AP-ին:
Լեդի Գագայի պաշտոնական ներկայացուցիչը MGA Entertainment-ի հայցն անվանել է «անմտածված»:
