նախընտրելի դարձնել
Համահայկական խաղերի համաշխարհային կոմիտեի գործադիր մարմնի անդամները հանդիպել են Կիպրոսի Հայ Մարմնամարզական Միության անդամների հետ: Հանդիպումը կայացել է Կիպրոսում մեկնարկած ՀԽՀԿ գործկոմի նիստի շրջանակում:
ՀԽՀԿ լրատվական ծառայությունից հայտնում են, թե կոմիտեի նախագահ Իշխան Զաքարյանը ողջունել է Կիպրոսի հայկական ակումբների ակտիվ մասնակցությունը Համահայկական 5-րդ խաղերին՝ հույս հայտնելով, որ հաջորդ խաղերին մասնակիցների թիվը կավելանա:
ՀԽՀԿ պատվիրակությունը հյուրընկալվել է նաեւ Հայ Մարմնակրթական Ընդհանուր Միության ակումբ: Հանդիպման ընթացքում Իշխան Զաքարյանը անդրադարձել է ՀԽՀԿ պատմությանը՝ կարեւորելով սփյուռքի բոլոր կառույցների ակտիվ մասնակցությունը խաղերին եւ կապը կոմիտեի հետ:
Ի. Զաքարյանը նշել է, որ 2015թ. տեղի ունենալիք ամառային խաղերը համընկնելու են Մեծ Եղեռնի 100 ամյակին հետ, ուստի կոմիտեի նախագահը կարեւորել է սփյուռքի ակտիվ մասնակցությունը: Համահայկական 6-րդ խաղերը ունենալու են նոր շունչ, նոր որակ:
