նախընտրելի դարձնել
17-ամյա հնդկուհին, ով այս տարվա նոյեմբերին Փենջաբ նահանգում Դիվալիի տոնակատարության ժամանակ խմբակային բռնաբարության էր ենթարկվել, ինքնասպան է եղել, հայտնում է Newsru.co.il-ը:
Ըստ որոշ տվյալների` բռնության զոհ դարձած աղջիկը ոստիկանություն էր դիմել համապատասխան բողոքով: Սակայն իշխանությունները ոչ միայն համապատասխան քայլեր չէին ձեռնարկել, այլեւ սկսել էին զոհի վրա ճնշում գործադրել` փորձելով ստիպել նրան հետ վերցնել բողոքը եւ համաձայնության գալ հանցագործների հետ:
Տեղի իրավապահ մարմինների աշխատակիցները պնդել են, որ վեճը կարող է հարթվել, եթե զոհը ամուսնանա հանցագործներից մեկի հետ կամ համաձայնի նրանցից գումարային փոխհատուցում ստանալ:
Երբ հայտնի է դարձել, որ տուժած աղջիկը, չդիմանալով հոգեբանական ճնշմանը, ինքնասպան է եղել, ոստիկանության երկու սպա հեռացվել են աշխատանքից: Խմբակային բռնաբարությանը մասնակից երկու տղամարդ ձերբակալվել են:
