Գլենդելի 48-ամյա բնակիչը չի ընդունել իրեն վերագրվող մեղադրանքը, ըստ որի հունվարի 7 –ին չորս անգամ կրակել է բժիշկ Արամ Հակոբյանի վրա: Իրա Գերագոսը ձերբակալվել էր հրազենի կիրառմամբ  մահափորձի կասկածանքով, հաղորդում է  «Glendale News-Press»-ը:

Կրակոցների ժամանակ Հակոբյանը չորս հրազենային վնասվածք է ստացել եւ հոսպիտալացվել է: Ոստիկանությունը պնդում է, որ Հակոբյանը հանդիպել է Գերագոսի նախկին կնոջ հետ:

Գերագոսը նաեւ փորձել է թաքնվել ոստիկանությունից, սակայն ի վերջո ձերբակալվել է: Նրա մեքենայում հայտնաբերվել է  երկու ատրճանակ եւ զինամթերք: Գործով դատալսումները նախատեսված են հունվարի 30-ին: