ՆախընտրելիՂազախստանում Բալխաշ լճի մոտ չորս մարդու սպանության մեջ կասկածվող տղամարդն ինքնասպան է եղել:
Քննության ներկայացուցիչը պատմել է, որ Յուրի Կռիլովը ինքն իրեն կրակել է, երբ հարցաքննության նպատակով նրա որսորդական տնակ են ժամանել քննիչները: Եւս երկու կասկածյալ հետախուզման մեջ են, հաղորդում է TengriNews-ը:
Կռիլովի մասին տեղական լրատվամիջոցների տվյալները տարբեր են: Ըստ որոշ լուրերի`նա ձկնորսական ընկերություններից մեկի տնօրենն է եղել: Մյուսները պնդում են, որ նա սովորական որսագող էր: Հաղորդվում է նաեւ, որ Կռիլովը տառապել է շիզոֆրենիայով:
Հրկիզված մեքենայում չորս զոհերի այրված դիակները հայտնաբերվել էին հունվարի 12-ին` Բալխաշ լճի սառույցների վրա: Հաստատվել էր, որ հունվարի 9-ին «Բալխաշ բալիկ»-ի երեք անտառապահներ եւ ընկերության իրավաբանը շրջել էին ընկերությանը պատկանող հողատարածքներում: Նրանց եւ Կռիլովի միջեւ վեճ էր ծագել, վերջինս սպանել էր հակառակոդներին, իսկ հետո այրել նրանց մարմինները ՈՒԱԶ-390-ում:
