նախընտրելի դարձնել
Չիլիում դատարանը որոշում է կայացրել Արտաշիրման ենթարկել 1973 թվականի սեպտեմբերին մահացած պոետ Պաբլո Ներուդայի աճյունը`մահվան պատճառը ճշտելու համար:
Գրականության ասպարեզում Նոբելյան մրցանակակիր, կոմունիստական կուսակցության անդամ Ներուդան մահացել է Սանտյագոյում 1973 թվականի սեպտեմբերին` 69 տարեկան հասակում` նախագահ սոցիալիստ Սալվադոր Ալենդեի տապալումով եւ գեներալ Ագուստո Պինոչետի իշխանության գալով ավարտված ռազմական հեղաշրջումից տասներկու օր անց:
Ըստ բժշկական տվյալների` Ներուդան մահացել է շագանակագեղձի քաղցկեղից: Սակայն, ինչպես հիշեցնում է «Ինտերֆաքս»-ը, Ներուդայի կողմնակիցները չեն հավատացել նրա մահվան պաշտոնական վարկածին:
Ներուդայի վարորդը` Մանուել Արայան հաստատել է, որ Ներուդային դեղամիջոց են ներարկել, որը սրտի կաթված է առաջացրել: Ընդ որում դա գիտակցաբար է արվել: Արայան ասել է, որ Ներուդան մահվանից մի քանի ժամ առաջ կարողացել է կարգին քայլել եւ խոսել:
Ներուդան ավելի շատ հայտնի է եղել իր պոետիկ ստեղծագործություններով, որոնց համար 1971 թվականին Նոբելյան մրցանակ է ստացել, սակայն, բացի դա, նա ամբողջ կյանքում եղել է Կոմունիստական կուսակցության անդամ, խորհրդարանի պատգամավոր եւ Ֆրանսիայում նախկին դեսպան:
