նախընտրելի դարձնել«Ռոսավացիան» կասեցրել է Sukhoi Superjet տասը օդանավերից չորսի թռիչքը: Պատճառը շասիի եւ թեւերի աշխատանքի համակարգում առաջացած խնդիրներն են եղել: Հայտնի է, որ խնդիրները վերականգնվում են: Մոտ օրերս կկայանա «Սուխոյ»-ի եւ «Աէրաֆլոտ»-ի ներկայացուցիչների հանդիպումը:
Միեւնույն ժամանակ, ըստ Vesti.ru-ի, խնդիրը կարող է միանգամայն լուրջ լինել:
Քիչ թե շատ հաճախականությամբ թռչում են Superjet-ի միայն երեք օդանավեր: Մնացած յոթը վերանորոգվում են: Օդանավերում անսարքություններ հայտնաբերել են դեռ մեկ տարի առաջ:
«Սուխոյ քաղաքացիական օդանավեր»-ի ներկայացուցիչը «Վեդոմոստի»-ին հայտնել է, որ օդանավը, ինչպես նաեւ մի քանի այլ նորերը, այդ թվում արտասահմանյան օդանավերը «տառապում են մանկական հիվանդությամբ», նկատի ունենալով Boeing ընկերության Dreamliner օդանավի անսարքությունները:
«Աէրաֆլոտ»-ը դարձել է SSJ-100 օդանավերի առաջին գնորդը: Փետրվարի 6-ին «Կոմերսանտ» թերթը գրել է, որ Superjet 100 օդանավերի հետ «Աէրաֆլոտ»-ում պատահած բոլոր դեպքերի 40% -ը կապված է եղել ավիացիոն տեխնիկայի անսարքության հետ: Ընկերությունում անցյալ տարի SSJ-100 օդանավերի հետ կապված 24 դեպք է գրանցվել:
SSJ-100 օդանավերի երկրորդ գնորդը հանդիսանում է հայկական «Արմավիա» ընկերությունը, որը պատվիրել է երկու օդանավ, որոնցից մեկն անսարքությունների համար վերադարձվել է «Սուխոյ քաղաքացիական օդանավեր»-ին` վերանորոգման, իսկ երկրորդը դեռ ենթակա չէ վերանորոգման: Բայց ընկերությունը հայտարարել է, որ հրաժարվում է երկու օդանավերից էլ:
