նախընտրելի դարձնելՀայաստանի ԿԸՀ-ի երկուշաբթի հրապարակած նախնական տվյալներով` նախագահ Սերժ Սարգսյանը վերընտրվել է, գրում է «The New York Times»-ը:
Թերթը գրում է, որ հայերը գնացել են տեղամասեր, եւ Սարգսյանը մեծ աջակցություն է ստացել, որպեսզի պահպանի կայունությունը երկրում, որն առավել կարեւոր դաշնակից է դառնում ԱՄՆ-ի համար` Իրանի միջուկային հավակնությունների դիտարկման առումով:
Ըստ թերթի` վետերան քաղաքական գործիչ, 58- ամյա Սերժ Սարգսյանը վերջին տարիներին համեստ տնտեսական բարելավումներ է իրականացրել, այն դեպքում, երբ փակ են Թուրքիայի եւ Ադրբեջանի հետ Հայաստանի սահմանները:
«The New York Times»-ը նշում է, որ Սարգսյանի երկրորդ ժամկետին ուշադրությամբ կհետեւեն` Ադրբեջանի հետ պատերազմի կարգավորման հարցում առաջընթացի նշան տեսնելու, ինչպես նաեւ Իրանի դեմ տնտեսական պատժամիջոցների աջակցությունը նվազեցնելու հարցում, որը կյանքն ավելի է դժվարեցնում երկու երկրներում:
Ըստ թերթի` Լեռնային Ղարաբաղում հակամարտությունը շարունակում է դանդաղ եռալ` շփման գծում պարբերաբար բռնություններով, այդ թվում` փոխհրաձագությամբ եւ պատահական զոհերով: ԵԱՀԿ Մինսկի խմբի կողմից ղեկավարվող խաղաղ բանակցությունները հիմնակնում փակուղի են մտել:
