նախընտրելի դարձնելԱրցախցի պատգամավոր Վահրամ Աթանեսյանը բարձր է գնահատել Լիտվայի Սեյմի` Լեռնային Ղարաբաղի հետ բարեկամության խումբ ստեղծելու մասին որոշումը: NEWS.am-ի թղթակցի խնդրանքով մեկնաբանելով նշված որոշումը, պատգամավորը հիշեցրեց, որ ԼՂ-ն ու մերձբալթյան երկրները միաժամանակ են սկսել խորհրդային տոտալիտարիզմի դեմ պայքարը:
«Մենք նման արձագանք սպասում էին մերձբալթյան երկրներից: Կարծում եմ, նման որոշումն առաջին քայլն է բարեկամական հարաբերությունների հաստատման համար Լեռնային Ղարաբաղի ժողովրդական շարժման եւ մերձբալթյան ժողովուրդների միջեւ»,-նշեց Վ. Աթանեսյանը: Միաժամանակ, նա ափսոսանքով արձանագրեց Մերձբալթիկայում որոշ, նրա խոսքով, պատմական ավանդույթները չգնահատող ուժերի առկայությունը:
Հիշեցնենք, որ բարեկամության խմբի ստեղծման մասին հռչակագիրը տարածվել է փետրվարի 26 –ին:
