ԱՄՆ նախագահ Դոնալդ Թրամփի՝ Ֆլորիդայում գտնվող Մար ա Լագո նստավայրի մոտ հակաօդային պաշտպանության համակարգերի հետ մեկտեղ նաև LOCUST հակադրոնային լազերային կայանք է տեղակայվել, հայտնում է The War Zone (TWZ) պորտալը։

Այս եզրակացությունն արվել է Getty գործակալության լուսանկարիչ Էնդրյու Հարնիքի՝ հոկտեմբերի 31-ին արված լուսանկարների հիման վրա։

Լուսանկարներում երևում է առափնյա հատվածում տեղակայված առնվազն մեկ կայանք՝ տեղադրված թեթև զրահամեքենայի հենքի վրա։ Դրա կողքին լողացող հարթակ է, որի վրա տեղադրված են փոքր հեռահարության AN/TWQ-1 Avenger զենիթահրթիռային համալիրներ։