նախընտրելի դարձնելԳերմանիայի կանցլերի հավանական թեկնածուներից Պիեռ Շտայնբրյուկը բավականին անհարգալից է արտահայտվել Իտալիայում ընտրությունների արդյունքների մասին: Նա հայտարարել է, որ «ցնցված է երկու ծաղրածուների հաղթանակով»` նկատի ունենալով «Հինգ աստղ» կուսակցության առաջնորդ, երգիծաբան Բեպե Գրիլոյի եւ Սիլիվիո Բեռլուսկոնիի հաղթանակը: Վերջինիս գերմանացի գործիչը համարել է անգամ «բարձր տեստոստերոնով ծաղրածու», հաղորդում է Reuters-ը:
Այդ հայտարարությունով սոցիալ-դեմոկրատների ղեկավարը չի շահել: Իտալիայի նախագահ Ջորջիո Նապոլիտանոն, որը ներկայումս գտնվում է Գերմանիայում, հրաժարվել է ԳԴՀ կանցլերի թեկնածուի հետ ընթրիքից` նրա այդ մեկնաբանությունների պատճառով, հաղորդում է «Ինտերֆաքսը»:
