նախընտրելի դարձնելԲրիտանական New Musical Express (NME) ամսագրի մրցանակաբաշխությունում «Տարվա երաժշտական պահ» է ճանաչվել Լոնդոնի «Օլիմպիական խաղեր-2012»-ի բացումը, իսկ «տարվա հերոս» կոչմանն արժանացել է երկրորդ ժամկետով ԱՄՆ նախագահ վերընտրված Բարաք Օբաման:
Այդ երկու անվանակարգերին հավակնող ռուսական Pussy Riot խումբն առանց մրցանակի է մնացել, հայտնում է Reuters-ը: NME մրցանակաբաշխության հանդիսավոր արարողությունը տեղի է ունեցել Լոնդոնում` փետրվարի 27-ի երեկոյան:
Lenta.ru-ն գրում է, որ NME-ի այլ մրցանակակիրների թվում է «լավագույն կենդանի կատարում» եւ «լավագույն երաժշտական ֆիլմ» անվանակարգերում հաղթած The Rolling Stones խումբը, որը հավակնում էր NME-ի ընդամենը չորս մրցանակի: Երկու մրցանակ է ստացել նաեւ Ֆլորենս Ուելչը Florence and the Machine-ից: Մրցանակ է ստացել է նաեւ դիջեյ Քելվին Հարիսի հետ Ուելչի ձայնագրած «Sweet Nothing» պարային ստեղծագործությունը, եւ անձամբ Ուելչը` որպես լավագույն մենակատար:
Տարվա լավագույն ալբոմ է դարձել The Maccabees-ի «Given To The Wild»-ը: The Killers-ը հաղթել է «լավագույն միջազգային խումբ» անվանակարգում, իսկ Biffy Clyro-ն ճանաչվել լավագույն բրիտանական խումբ: Լավագույն թրեքի համար մրցանակ է ստացել Foals-ի «Inhaler»-ը, իսկ Arctic Monkeys խմբի «R U Mine?» երգի տեսահոլովակն ստացել է NME-ի տարվա լավագույն տեսահոլովակ մրցանակը:
