ՆախընտրելիԿանանց միջազգային օրվա՝ մարտի 8-ի կապակցությամբ Երեւանի քաղաքապետ Տարոն Մարգարյանի հանձնարարությամբ վաղ առավոտից մայրաքաղաքի տարբեր հատվածներում կազմակերպվել են տարաբնույթ տոնական միջոցառումներ:
Հյուսիսային եւ Մաշտոցի պողոտաներում տեղադրվել են գունազարդ տոնական 8-եր: Անցորդ բոլոր կանաց եւ աղջիկներին բարեհամբույր միմերն ու օգնականները քաղաքապետի անունից բաժանել են ծաղիկներ ու շնորհավորական բացիկներ:
Շնորհակալություն հայտնելով քաղաքապետին անսպասելի, բայցեւ հաճելի անակնկալի համար՝ կանայք իրենց հերթին բարեմաղթանքներ են հղել բոլոր հայուհիների:
Մարտի 8-յան բարձր տրամադրությունն ապահովել են նաեւ պողոտաներում հնչող երեւանյան երգերը:
