նախընտրելի դարձնելՏնտեսական մրցակցության պաշտպանության պետական հանձնաժողովը կազմակերպում է հանդիպում գործարար համայնքի ներկայացուցիչների հետ:
Քննարկվող հիմնական թեմաները վերաբերելու են գովազդային շուկայում անբարեխիղճ մրցակցության դրսեւորումներին, (գովազդում գերադրական աստիճանի կիրառում,անչափահասների կերպարների օգտագործում եւ այլն):
Գործարարներից ստացված դժգոհությունների հիման վրա կքննարկվեն նաեւ կեղծ եւ չլիցենզավորված ապրանքների շրջանառության, տեղեկատվական տեխնոլոգիաների եւ այլ ոլորտներում առկա մրցակցային խնդիրների վերաբերյալ հարցեր:
Հանդիպումը կազմակերպվում է Հայաստանում Ամերիկայի առեւտրի պալատի հետ համատեղ, ներկա կլինեն մեր երկրում գործող մոտ 30 ընկերությունների ղեկավարներ:
Հանդիպումը տեղի կունենա մարտի 19-ին, ժամը 11-ին Համաշխարհային բանկի Երեւանի գրասենյակում՝ Գ.Լուսավորիչ փող. 9, 6-րդ հարկ հասցեով:
