նախընտրելի դարձնելՀայաստանում ռուսական «Ավիացիոն բազա» զորամասը, ապրիլի 12-ին, անցկացնում է Բաց դռների օր` նվիրված Ավիացիայի եւ տիեզերագնացության օրվան:
Տոնի ծրագրում են.
- տարբեր տեսակների թռչող ապարատների վերերկրյա ցուցադրություն;
- կործանիչ ավիացիայի թռիչքներ ( առանձին եւ ինքնաթիռների խմբերի կազմում);
- ծանոթություն զորամասի կյանքի եւ կենցաղի հետ;
- դաշտային խոհանոց զինվորական շիլայով եւ թեյով;
Միջոցառմանը հրավիրված են.
- Հայաստանի Պաշտպանության նախարարության, Ռուսական 102-րդ ռազմական բազայի եւ Հայաստանում Ռուսաստանի ԴԱԾ Սահմանապահ վարչության ղեկավար կազմերը,
- Ռուսաստանի դեսպանության աշխատակիցները,
- ռուսաստանյան եւ ռուս-հայկական ձեռնարկությունների ներյկայացուցիչները;
- ռուս հայրենակիցներ, ուսանողներ եւ դպրոցականներ:
Նշենք, որ Հայաստանում «Էրեբունի» օդանավակայանում տեղակայված Ռուսաստանյան ավիացիոն բազայի անհատական կազմը կրում է Անկախ պետությունների համագործակցության անդամ երկրների ՀՕՊ միասնական համակարգի հակաօդային պաշտպանության ռազմական հերթապահություն:
Հարավային ռազմական շրջանի տվյալներով` 2012 ուսումնական տարվա ընթացքում ավիաբազայի թռիչքային կազմն իրականացրել է մոտ 800 թռիչք: ՄԻԳ-29 կործանիչների օդաչուները անցկացրել են ավելի քան 500 ուսումնական օդային մարտեր` ինչպես անձնակազմերի անհատական պատրաստման, այնպես էլ խմբերի կազմում:
