նախընտրելի դարձնելԵրեւանի ավագանու ընտրությունների կարեւորությունը այն է, որ ֆորմալ իմաստով դրանք տեղական նշանակության ընտրություններ են, սակայն, ըստ էության, նաեւ համապետական: Այս մասին այսօր՝ ապրիլի 13-ին, ՀԱԿ հիմնադիր համագումարին ասաց ՀԱԿ համամասնական ցուցակը գլխավորող, Երեւանի նախկին քաղաքապետ Վահագն Խաչատրյանը:
Նա շեշտեց, որ Երեւանը երկրի քաղաքական կյանքի ծանրության կենտրոնն է, եւ ազատագրվելով Երեւանը իշխող ռեժիմից՝ կքանդեն նրա քաղաքական մենաշնորհը, նրա հիմքերը կթուլացնեն, եւ հաղթելով Երեւանում ճանապարհ կբացեն հանրապետությունում իշխանությունը տիրոջը՝ ժողովրդին վերադարձնելուհամար: «Սա հերթական հնարավորությունն է երկրում իրավիճակը փոխելու համար, մենք իրավունք չուեննք չօգտվելու դրանից, մենք պարտավոր ենք իշխանությունը վերադարձնել ժողովրդին եւ դա անելու ենք մայիսի 5-ին»,- ասաց նա:
«Շատ, ծանր դժվար, բայց ճիշտ ճանապարհ ենք անցել: Նոր ազատական կուսակցության հիմնադիր համագումարն է, կուսակցությունը եւ հին է, եւ նոր է, սա էլ է ՀԱԿ-ի առանձնահատկություններից մեկը, կուսակցությունը, հարազատ մնալով ազատականությանը, այսօր էլ պատրաստ է շարունալել պայքարը գաղափարների համար»,- ասել է Վահագն Խաչատրյանը: Նա նաեւ նշեց, որ գործող իշխանությունները կապիտալիզմի անվան տակ այնպիսի շուկայական տնտեսություն ստեղծեցին, որը ոչ մի առնչություն չունի կապիտալիզմի հետ: «Հայաստանում տիրապետում է շուկայական տնտեսությունը, բայց իրավական կարգուկանոն չկա, հնարավոր չէ պաշտպանել ոչ արդարությունը, ոչ ազատությունը, ոչ էլ մարդու կյանքը: Հայաստանի քաղաքական համակարագը կապիտալիզմի անվան հետ ոչ մի առնչություն չի կարող ունենալ»,- ասաց նա:
Երեւանի նախկին քաղաքապետը շեշտեց, որ Հայաստանում տնտեսական խնդիրների պատճառները քաղաքական դաշտում են, հետեւաբար նա առաջարկում է փոխել ընտրական համակարգը, ստեղծել հավասար մրցակցային դաշտ կուսակցությունների համար, պետական ապարատը ապակուսակցականացնել, նոր դեմոկրատական փոփոխություններ կատարել:
Լուսանկարը՝ Արսեն Սարգսյանի/NEWS.am
