նախընտրելի դարձնելՖրանսիայի նախագահ Ֆրանսուա Օլանդը կարծում է, որ եվրագոտում ճգնաժամն ավարտվել է: Նման հայտարարություն նա արել է Տոկիոյում ճապանոցի եւ եվրոպացի ձեռներեցների հետ հանդիպմանը:
Միժամանակ նա մատնանշել է տարածաշրջանում աճի խթանման եւ մրցունակությանն ուղղված միջոցառումների անհրաժեշտությունը: Ֆրանսիայի առաջնորդի խոսքով` նա մտադիր է ակտիվորեն առաջ մղել ԵՄ-ի եւ Ճապոնիայի միջեւ տնտեսական գործընկերության մասին պայմանագիրը:
«Մենք պետք է գործենք արագ, արդյունավետ եւ վճռականորեն: Սա այն է, ինչ Սինդզո Աբեն ցանկանում է Ճապոնիայի համար, այն, ինչ ես եմ ցանկանում Ֆրանսիայի համար, եւ այն, ինչ ես ցանկանում են առաջ մղել Եվրոպայում»,-հայտարարել է Օլանդը:
Միաժամանակ «Deutsche Welle»-ն նկատում է, որ Եվրոպայում տնտեսական իրավիճակը լավատեսություն չի ներշնչում: Եվրագոտու երկրների ՀՆԱ-ն շարունակում է նվազել, իսկ պետական պարտքը` աճել:
Օլանդի այցն, ի դեպ, առանց զավեշտալի միջադեպերի չի անցել. նա նախօրեին ճապոնացիներին խառնել է չինացիների հետ:
