Մեքսիկայի Օախակա նահանգի հարյուրամյա բնակչուհին տարրական դպրոցն ավարտելու վկայական է ստացել: Փաստաթուղթը հանձնել են հանդիսավոր պայմաններում:

Մանուելա Էրնանդես Վելասկեսը խոստովանել է, որ սովորելն իրեն շատ է դուր եկել, թեեւ որոշ բարդություններ են ծագել: Օրինակ, իր սիրելի առարկան՝ ընթերցանությունը, նրան հեշտ չի տրվել տեսողական խնդիրների պատճառով:

Սովորելու ընթացքում մի քանի անգամ ստիպված է եղել փոխել ակնոցը: Ի դեպ, հարյուրամյա շրջանավարտը այդպիսին միակը չէ, մեքսիկացիների դպրոցում 65 եւ ավելի  բարձր տարիքի մոտ յոթ հազար մարդ է սովորում, հայտնում է vesti.ru-ն:

Տարեց կինը պատմել է, որ կրթական հաստատություն այցելել է վաղ մանկությունում: Սակայն ծնողները ստիպված ընդհատել են նրա ուսումը, քանի որ տանը պետք է օգներ: Աշակերտական նստարանին վերադառնալ Վելասկեսին համոզել էին թոռները: Այժմ նա առաջիկայում մտադիր է հաջորդ դասարան  փոխադրվել եւ շարունակել դպրոցական ծրագրի յուրացումը: