նախընտրելի դարձնել
Վաշինգտոնը հավատում է ղարաբաղյան հակամարտության խաղաղ կարգավորման հնարավարությանը: Այս մասին Բաքվում հայտարարել է Ռուսաստանի, Ուկրաինայի եւ Եվրասիայի հարցերով ԱՄՆ պաշտպանության փոխնախարարի օգնական Էվելին Ֆարքսը:
«Ես Ադրբեջան եմ ժամանել անվտանգության ոլորտում երկկողմ համագործակցության եւ կապերի վերաբերյալ հարցեր քննարկելու»,-ասել է նա լրագրողներին, փոխանցում է 1news.az-ը:
Ֆարքսն ընդգծել է Ադրբեջանի եւ ԱՄՆ-ի միջեւ անվտանգության ոլորտում սերտ կապերի առկայությունը, որոնք «օրեցօր ընդլայնվում են»: «Մենք ակտիվորեն համագործակցում ենք Աֆղանստանում խաղաղապահական առաքելության շրջանակներում»,-ընդգծել է ԱՄՆ պաշտպանության նախարարության ներկայացուցիչը:
Պենտագոնի պատվիրակությունը հանդիպել է Ադրբեջանի ԱԳ նախարար Էլմար Մամեդյարովի հետ: Բանակցություններն ընթացել են Բաքվում ԱՄՆ դեսպան Ռիչարդ Մորնինգսթարի մասնակցությամբ:
