նախընտրելի դարձնել
Եվրախորհրդարանը ֆրանսիական քննչական մարմինների հարցմամբ անձեռնմխելիությունից զրկել է իր պատգամավորներից մեկին՝ Ֆրանսիական ազգային ճակատի առաջնորդ, ուլտրաաջ քաղաքական գործիչ Մարին Լե Պենին: Նա մեղադրվում է ռասայական խտրականության համար:
Մարին Լե Պենի նկատմամբ քրեական գործ էր հարուցվել դեռեւս 2010թ., երբ հրապարակային ելույթում Լե Պենը փողոցում աղոթող մուսուլմանների հայտնվելը համեմատել էր Ֆրանսիայում նացիստական օկուպացման հետ:
LCI հեռուստաալիքի հետ հարցազրույցում Լե Պենը հայտարարել է, որ ինքը համարձակվել է ասել այն, ինչը մտածում են ֆրանսիացիները, գրում է BBC-ի ռուսական ծառայությունը:
«ՌԻԱ Նովոստին» հայտնում է, որ Մարին Լե Պենն ամոթալի է անվանել Եվրախորհրդարանի որոշումը եւ դատարանում իրեն պաշտպանելու պատրաստակամություն է հայտնել:
«Ինձ դա բնավ չի զարմացնում, անգամ հակառակը: Ես պատրաստ եմ ինքս ինձ պաշտպանել դատարանում», BFMTV-ի եթերում հայտարարել է Լե Պենը: Նա հավելել է, որ իր խոսքերից չի հրաժարվում: «Ոչ ոք ինձ չի խանգարի Ֆրանսիայի բարձր հասարակության սկզբունքների ամենօրյա խախտումների մասին ճիշտը բարձրաձայնելիս», -ասել է նա:
