նախընտրելի դարձնել
Անգլիայի Օքսֆորդշիր կոմսության Քիդլինգթոն քաղաքում 38-ամյա տղամարդը պատանդ է վերցրել իր երկվորյակ դուստրերին, որոնք երկու տարեկան են:
Ինչպես հաղորդում է BBC-ն, վկայակոչելով տեղական ոստիկանությունը, երկու երեխաներն արդեն ազատության մեջ են: Մեկին հայրն ազատ է արձակել առավոտյան, երկրորդին մի քանի ժամ պահել, ապա բաց է թողել:
Ինչպես հաղորդում է Mirror-ը, ամուսնալուծված հայրը առավոտյան ներխուժել է տուն եւ պատանդ վերցրել: Մորը հաջողվել է փախուստի դիմել:
Կասկածյալը նախկինի պես արգելափակված է տանը: Ոստիկանությունը վստահ է, որ նա զինված է եւ կարող է վտանգավոր լինել: Հանցագործության դրդապատճառներն առայժմ անհայտ են, իրավապահները բանակցություններ են վարում:
