Աշտարակում գողություն է կատարվել կայանված մեքենայից: Ոստիկանության լրատվության վարչությունից հայտնում են, թե հուլիսի 13-ին, ժամը 16.00-ին, ոստիկանության Աշտարակի բաժնում հաղորդում էր ստացվել, որ Աշտարակի ճանապարհին պայուսակ են գողացել:

Ոստիկանները պարզել են, որ նույն օրը, ժամը 15.45-ի սահմաններում, Հրաչյա Գ.-ն ծիրան գնելու նպատակով իր վարած «Մերսեդես» ավտոմեքենայով կանգնել է Երեւան-Աշտարակ ճանապարհի` Կոտայքի մարզի Պռոշյան գյուղի հատվածում, որի ժամանակ նույն վայրում կայանված «Ֆորդ» մակնիշի ավտոմեքենայի ուղեւորը «Մերսեդես»-ի բաց պատուհանից գողացել է նույն ավտոմեքենայի ուղեւորի պայուսակը, որի մեջ եղել է գումար, բջջային հեռախոս, կոսմետիկ պարագաներ, բանալիներ եւ փաստաթղթեր:

Ձեռնարկված օպերատիվ-հետախուզական միջոցառումների շնորհիվ պարզվել է, որ գողությունը կատարել են 1976 թ. ծնված Արկադիա Բ.-ն եւ 1977 թ. ծնված Արթուր Պ.-ն:

Արկադիա Բ.-ն իր կողմից վարած «Ֆորդ» մակնիշի ավտոմեքենայով հայտնաբերվել է Աշտարակ քաղաքի Տիգրան Մեծի փողոցում եւ բերման ենթարկվել բաժին:

Ձեռնարկվում են միջոցառումներ Արթուր Պ.-ին հայտնաբերելու ուղղությամբ:

Կատարվում է քննություն: