Արարատի մարզի Արտաշատ քաղաքի Օգոստոսի 23 փողոցում գտնվող թատրոնի մոտակայքում, այսօր՝ հոկտեմբերի 2-ին, գիշերը ժամը 02:00-ի սահմաններում, տեղի է ունեցել ավտովթար, կան տուժածներ. անհրաժեշտ է փրկարարների օգնությունը:

Հայաստանի ԱԻՆ փրկարար ծառայությունից հայտնում են, որ դեպքի վայր են մեկնել մեկ մարտական  հաշվարկ եւ ՀՆՓԱԻ փրկարար ջոկատը:

Պարզվել է, որ «Աուդի»  մակնիշի 34 ML 894 համարանիշի ավտոմեքենան բախվել է էլեկտրական սյանը, ինչի  հետեւանքով տուժածներ` 27-ամյա Մկրտիչ Բաբայանը, 23-ամյա Տաթեւ Ավագյանը, 26-ամյա Արմեն  Մարտիրոսյանը եւ 21-ամյա Կորյուն Պողոսյանը տեղափոխվել են Արտաշատ քաղաքի  բժշկական կենտրոն: Այնուհետեւ Մկրտիչ Բաբայանին, Տաթեւ Ավագյանին եւ Արմեն  Մարտիրոսյանին տեղափոխվել են Էրեբունի բժշկական կենտրոն: Տուժածների առողջական վիճակը ըստ բժիշկների գնահատվել  է կայուն բավարար:

Հրշեջ-փրկարարները իրականացրել են ճանապարհի լվացման աշխատանքներ: