նախընտրելի դարձնել
«Հարավ-կովկասյան երկաթուղի» ՓԲԸ-ն պարզել է 24-ամյա մեքենավարի հետ կատարված դեպքի հանգամանքները:
Հիշեցնենք, Հարավ-կովկասյան երկաթուղու հատուկ նշանակության ինքնագնացի մեքենավար 24-ամյա Արթուր Թամազյանը ընթացքի ժամանակ իրեն դուրս էր նետել: Երիտասարդը բազմաթիվ մարմնական վնասվածքներով տեղափոխվել էր հիվանդանոց: Ամենայն հավանականությամբ, երիտասարդին այդ քայլին դրդել էր մեքենայի անսարքությունը. ինչ-որ պահի նա զգացել էր, որ արգելակները չեն գործում:
NEWS.am-ին ՀԿԵ մամուլի քարտուղար Վահե Դավթյանը հայտնեց, որ մեքենայում հինգ հոգանոց խումբ է գտնվել:
«Դուրս է նետվել միայն մեքենավարը: Մնացածները մնացել են տեղում եւ ի վերջո կարողացել են կանգնեցնել մեքենան: Բարեբախտաբար, նրանց հետ ամեն ինչ կարգին է», - ասաց Վահե Դավթյանը:
