Կանադայի հայ համայնքը հավաքվել է Քվեբեք նահանգում իր մեծությամբ երրորդ քաղաք հանդիսացող Լավալում Հայոց ցեղասպանության զոհերի հիշատակին նվիրված հուշարձանի բացման արարողությանը: Այս մասին է գրում «Asbarez»-ը:

Հայկական եկեղեցական բոլոր առաջնորդները հավաքվել էին «Խաչելություն, հարությունը, վերածնունդ» անվամբ հուշարձանի մոտ ու անց են կացրել օրհնության  արարողություն: Հուշարձանի հիմնադիր, քանդակագործ Արտո Չաքմաջյանը նշել է, որ հուշարձանի իմաստը հույսն է:

Միջոցառման ժամանակ հանդես է եկել նաեւ Կանադայում Հայաստանի դեսպան Արմեն Եգանյանը, ով կոչ է արել համաշխարհայաին հասարակությանը ճանաչել հայերի ցեղասպանության փաստը: Միջոցառմանը ներկա տեղական, շրջանային ու դաշնային պաշտոնյաները՝ նախկին ու գործող, ընդգծել են հայերի ցեղասպանության փաստի ճանաչման անհրաժեշտությունն ու դատապարտել են Թուրքիայի կառավարությանը, որը շարունակում է  հանցանքը ժխտելու քաղաքականությունը: