նախընտրելի դարձնել
«Ազատագրենք հուշարձանն օլիգարխից» նախաձեռնության անդամ Շողակաթ Վարդանյանին զգուշացրել են չմասնակցել «Փակ շուկայի» աղճատման դեմ անցկացվող ամենօրյա ակցիաներին. «Երեկ հայրիկիս զանգահարեց մեր համագյուղացիներից մեկն ու ասաց, որ Սամվել Ալեքսանյանի մենեջերը խնդրել է փոխանցել, որ աղջիկդ այլևս չմասնակցի ակցիաներին: Նաև հավելել է, որ ինքն իմ մասին մտածելով է սա անում: Հայրս էլ պատասխանել է, որ դա իմ իրավունքն է»,- NEWS.am-ի թղթակցին ասաց Շողակաթը:
Ակտիվիստը Արմավիրի մարզի Թաիրով գյուղից է: Գյուղում բոլորն էլ գիտեն, որ Շողակաթը մասնակցում է «Փակ շուկայի» ակցիաներին:
«Էն սկզբում գյուղացիներին ասում էի, որ բոլորս պետք է մասնակցենք այս պայքարին, որ չպետք է թողնենք աղճատեն մեր հուշարձանները: Հետո հասկացա, որ էս մարդիկ գյուղացիներ են, ու նրանց նման բաները չեն էլ հետաքրքրում, ու այլևս այդ մասին ոչ մեկի հետ չեմ խոսել»,- պատմեց նա:
