նախընտրելի դարձնել
Հնդկաստանի հյուսիս-արեւելյան Ասամ նահանգում զինվորական հագուստով մարդիկ սպանել են յոթ մարդու, որոնք նշում էին հնդկական գլխավոր տոն Դիվալին՝ կրակների փառատոնը:
Գոալպարա շրջանում, որտեղ տեղի է ունեցել միջադեպը, վերջին շաբաթների ընթացքում սրվել էին հարաբերությունները Ռաբհա Հաջոնգ եւ Գարոս ցեղերի միջեւ: Նոյեմբերի 3-ի երեկոյան գրոհայինները կրակել էին Դիվալիի տոնի առիթով թեյի խանութի մոտ թղթախաղով տարված մարդկանց խմբի ուղղությամբ: Սպանվածները Ռաբհա Հաջոնգի ցեղի ներկայացուցիչներ են եղել:
Սպանությունից հետո գրոհայինները մեկնել են հարեւան Մեգհալայա նահանգ: Տեղի ոստիկանության ներկայացուցիչ Ա. Պ. Ռաուտը հայտնել է, որ տեղական ինքնակառավարման մարմինների կայանալիք ընտրությունների կապակցությամբ տեղի են ունեցել բախումներ Ռաբհա Հաջոնգի եւ այլ ցեղերի միջեւ, հայտնում է «ՌԻԱ Նովոստին»` վկայակոչելով NDTV հեռուստաալիքը:
