նախընտրելի դարձնել
Ինդոնեզիայի Սումատրա կղզում հազարավոր մարդիկ լքել են տները` Սինաբունգ հրաբխի ժայթքման պատճառով: Այս մասին այսօր հայտնում են ինդոնեզական լրատվամիջոցները:
Ըստ տարերային աղետների հետեւանքների վերացման ազգային գործակալության տվյալների` երկու նոր ժայթքում է գրանցվել կիրակի օրը: Ծխի եւ մոխրի սյունը վեր է խոյացել մոտ 7 կմ: «Ոստիկանները եւ զինվորներն արդն տարհանել են շուրջ հազար մարդու: Առաջիկայում տարհանվածների փիվը կարող է ավելանալ», - նշել են վարչությունում: Զոհերի եւ ավերածությունների մասին տվյալներ չկան, հաղորդում է ԻՏԱՌ-ՏԱՍՍ-ը:
2,6 հազար մ բարձրությամբ Սինաբունգ հրաբուխն արթնացել էր 2010թ. օգոստոսին` 400 տարվա քնից հետո: Հրաբխի նախորդ ժայթքումն այս տարվա սեպտեմբերին 15 հազար տեղի բնակչի ստիպել էր լքել տները:
