Նիգերիայում գրոհայինների եւ զինվորների բախման հետեւանքով զոհվել է 70-ից ավելի մարդ, հայտնում է People's Daily Online-ը՝ վկայակոչելով  Նիգերիայի բանակի ներկայացուցիչ, գեներալ-մայոր  Քրիս Օլուքոլադեին:

Արմատական իսլամական «Բոքո Հարամ» կազմակերպության գրոհայինները Բամա քաղաքի բանակային զորամասի վրա են հարձակվել, փոխհրաձգության հետեւանքով զոհվել են 50 գրոհայիններ, 15-ից ավելի զինվորներ եւ 5 խաղաղ բնակիչներ:

«Բոքո Հարամ» ծայրահեղական կազմակերպությունը գործում է Նիգերիայի հյուսիսարեւմտյան եւ կենտրոնական շրջաններում: Կազմակերպության անդամները պահանջում են երկրում շարիաթի օրենքներով շարժվել:

Հիշեցնենք, նոյեմբերի վերջին երկրի կենտրոնական մասում գրոհայինները քրիստոնեական գյուղերից մեկում 37 մարդու էին սպանել: