ՆախընտրելիԵվրասիական բարձրագույն տնտեսական խորհրդի` Մինսկում կայացած նիստի ընթացքում հնչած հայտարարության համատեքստում Հայաստանի` Մաքսային Միության հենքով Համընդհանուր տնտեսական տարածքին միավորման մասին համաձայնագիր կպատրաստվի: Այս մասին մայիսի 7-ին կայացած մամուլի ասուլիսի ընթացքում հայտարարել է ՀՀԿ պատգամավոր, ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը` ընդգծելով, որ հիշյալ համաձայնագիրը հաջորդ ամսվա ընթացքում ստորագրման կներկայացվի:
Նրա խոսքով, ստորագրելով փաստաթուղթը, Հայաստանը նաեւ Եվրասիական տնտեսական միության համահիմնադիր երկրներից մեկն է դառնալու, որտեղ որոշումները պետք է կոնսենսուսի հիման վրա ընդունվեն: Պատգամավորը մեկնաբանել է, որ Հայաստանը ապրիլի 29-ին չէր մասնակցում Եվրասիական բարձրագույն տնտեսական խորհրդի` Մինսկում կայացած նիստին, քանի որ դեռեւս Մաքսային Միության անդամ չի հանդիսանում:
Հիշեցնենք, որ Եվրասիական միությունը 2015թ. հուվարի 1-ից է գործելու:
