նախընտրելի դարձնել
Աշխատանքի եւ սոցիալական հարցերի նախարարությունը կուտակային կենսաթոշակների հարցով ճնշումների մասին քաղաքացիներից բողոքներ չի ստացել: Այս մասին մայիսի 31-ին խորհրդարանում հայտարարել է ՀՀ աշխատանքի եւ սոցիալական հարցերի նախարար Արտեմ Ասատրյանը: Ըստ նրա՝ յուրաքանչյուր դեպք կուսումնասիրվի: Բայց ընդհանուր բնույթի հայտարարությունները՝ «ասում են, որ…» կարգի, չենք կարող մեկնաբանել», - հայտարարել է նախարարը:
Նա հաստատել է, որ կուտակային կենսաթոշակային համակարգին մասնակցել չցանկացող ցանկացած քաղաքացի կարող է ազատ դիմում գրել եւ դուրս գալ այդ համակարգից՝ մինչեւ նոր օրենքի ընդունումը, որը վերջնականապես կլուծի կենսաթոշակային համակարգի հարցը: Ցանկացած դիմում պետք է անխոչընդոտ ընդունվի գործատուի կողմից:
Հիշեցնենք, որ ըստ Սահմանադրական դատարանի ապրիլի 2-ի որոշման՝ կուտակային կենսաթոշակների մասին նոր օրենքն ուժի մեջ է մտնելու սեպտեմբերի 30-ից ոչ ուշ: Մինչ այդ 40 տարեկանից ցածր քաղաքացիների համար 2014 թ. հունվարի 1-ից պարտադիր կուտակային վճարումները ժամանակավորապես վերածվել են կամավորի:
