Մարտի 10-ին, ժամը 13.40-ին,  ոստիկանության Մուշի բաժին էր դիմել 1948 թ. ծնված  Մաքսիմ Ս.-ն եւ հաղորդում  տվել, որ Գյումրիի Շիրակացու փողոցում գտնվող իր   կիսակառույց տան լոգարանի պատուհանը հրել-բացելով` գողացել են 100 մ պղնձյա մալուխ եւ էլեկտրական գործիքներ` պատճառելով մոտ 120.000 դրամի նյութական վնաս:

Ոստիկանության մամուլի ծառայությունից հայտնում են, որ մեկ այլ քրեական գործի նախաքննության ընթացքում բերման ենթարկված, նախկինում դատված, 21-ամյա Հմայակ Շ.-ն խոստովանել է, որ   գողությունը կատարել է ինքը: Ձեռնարկվում են միջոցառումներ գողոնը հայտնաբերելու ուղղությամբ:

Բայց սա դեռ ամենը չէ: Ոստիկանության Մուշի բաժին էր դիմել նաեւ75-ամյա  Ջուլիետա Մ.-ն եւ հաղորդում տվել, որ իր տան ննջասենյակի պատուհանը հրել-բացելով` գողացել են ոսկյա զարդեր` պատճառելով մոտ 200.000 դրամի նյութական վնաս: Պարզվել է, որ նշված գողությունը նույնպես կատարել է Հմայակ Շ.-ն: Գողոնը մասամբ առգրավված է: Հմայակ Շ.-ն ձերբակալված է: