Նախընտրելի
Twitter-ի ֆրանսիացի օգտատերերը զայրացել են՝տեսնելով, թե ինչպես է ԱՄՆ-ի նախագահ Բարաք Օբաման ծամոն ծամում դաշնակիցների զորքերի ափհանման 70-րդ տարեդարձի միջոցառման ժամանալ, փոխանցում է «Ֆրանս Փրեսս»-ը։
Սոցցանցի օգտատերերը Օբամայի պահվածքը գռեհիկ եւ ամոթալի են անվանել։
«Օբամա, կոկա-կոլա չէի՞ր ուզում Մարսելյոզի տակ ծամոն ծամելիս»,- գրել է @toto_des_bois, օգտատերը՝ վրդովված Ֆրանսիայի օրհներգը հնչելիս Օբամայի պահվածքից։
«Թագուհին (Մեծ Բրիտանիայի) ժամանում է, իսկ այստեղ Օբաման ծամոն է ծամում…», — գրել է @diminou օգտատերը, փոխանցում է «ՌԻԱ Նովոստին»։
ԱՄՆ նախագահը համանման քննադատության ենթարկվել էր դեկտեմբերին՝ Նելսոն Մանդելայի հուղարկավորության ժամանակ ծամոն ծամելու համար։
Հաղորդվում է, որ Օբաման փորձում է թողնել ծխելը եւ այդ նպատակով հաճախ է նիկոտինային ծամոններ ծամում։
