Հունիսի 6-ին, ժամը 15.30-ի սահմաններում, 1989 թ. ծնված Ռոլանդ Խ.-ի վարած «Ֆոլքսվագեն Գոլֆ» մակնիշի ավտոմեքենան Սպիտակ-Գյումրի ճանապարհի 17-րդ կմ-ին վրաերթի ենթարկելով Կաթնաջուր գյուղի միջն. դպրոցի 5-րդ դասարանի աշակերտուհի, 2003 թ. ծնված Անի Ռքոյանին` կողաշրջվել է:

Աղջիկը տեղում մահացել է, իսկ ավտոմեքենայի ուղեւորուհին մարմնական վնասվածքներով տեղափոխվել է հիվանդանոց:

Ոստիկանության լրատվության վարչությունից հայտնում են, թե նույն օրը, ժամը 16.00-ին, վարորդը մեղայականով ներկայացել է ոստիկանության Տարոնի բաժին եւ հայտնել, որ աղջնակին վրաերթի ենթարկելուց հետո, վախենալով հավաքված քաղաքացիներից, ավտոմեքենան թողնել է դեպքի վայրում եւ ներկայացել Տարոնի բաժին:

Ռոլանդ Խ.-ն ներկայացվել է Սպիտակի բաժին:

Քննությունը վարում է ոստիկանության քննչական բաժանմունքը: