նախընտրելի դարձնել
Ոստիկանները հայտնաբերել են խուլիգանության եւ սուտ մատնության մեղադրանքներով հետախուզվող կանանց:
Ոստիկանության լրատվության վարչությունից հայտնում են, թե Շենգավիթի բաժնի ծառայողներն օրերս Երեւանի Չեխովի փողոցի 15 շենքի մի բնակարանից բերման են ենթարկել 1963 թ. ծնված Գայանե Դ.-ին, որը փետրվարի 25-ից հետախուզվում էր ՀՀ քր. օր.-ի 258 հոդվածի 2-րդ մասի մեղադրանքով` խուլիգանությունը, որը զուգորդվել է անձի նկատմամբ բռնություն գործադրելով կամ դա գործադրելու սպառնալիքով, ինչպես նաեւ ուրիշի գույքը ոչնչացնելով կամ վնասելով:
Ոստիկանության Երեւան քաղաքի վարչության ծառայողներն օրերս Երեւանի Անդրանիկի փողոցից բերման են ենթարկել 1986 թ. ծնված Արմինե Խ.-ին, որը հունիսի 5-ից ոստիկանության Էրեբունու բաժնի կողմից հետախուզվում էր ՀՀ քր. օր.-ի 333 հոդվածի 1-ին մասի մեղադրանքով` հանցագործության մասին սուտ մատնությունը, եթե անձը գործել է` գիտակցելով, որ իր տրամադրած տեղեկատվությունը կեղծ է:
