Էլեկտրաէներգիայի սակագնի սպասվող 10% թանկացումն արդարացված չէ, հունիսի 11-ի մամուլի ասուլիսում  հայտարարել է տնտեսագիտական գիտությունների դոկտոր,  «Այլընտրանք» վերլուծական կենտրոնի տնօրեն Թաթուլ Մանասարյանը: Ըստ նրա՝  էլեկտրաէներգիայի սակագնի բարձրացումը սպասելի էր: Սակայն, ըստ հետազոտական կենտրոնի հաշվարկների, վերջնական գինը կարող է հայտարարվածից ցածր լինել:

Հիշեցնենք,  բարձր լարում ունեցող բաժանորդների համար (35 կՎտ եւ ավելի) գիշերային եւ ցերեկային սակագինը այժմ կազմում է համապատասխանաբար 29 եւ 25 դրամ՝ մեկ կՎտ-ի համար,  6 (10) կՎտ-ի դեպքում՝ 35 եւ 25 դրամ, 0,38 կՎտ-ի դեպքում եւ բնակչության համար՝ 38 (9,2 ցենտ) եւ 28 դրամ (6,8 ցենտ):