ԿԺԴՀ-ի առաջնորդ Կիմ Չեն Ընը ստուգել է № 167 ռազմածովային զորամասի սուզանավերի անձնակազմի  պատրաստականությունը: Բացի դրանից, նախագահը անձամբ է կառավարել  № 748 սուզանավի ընթացքը եւ գովել անձնակազմին հմտության համար, փոխանցում է ԻՏԱՌ-ՏԱՍՍ-ը` վկայակոչելով Կենտրոնական հեռագրային գործակալությունը:

Նշելով, որ Կորեայի աշխատանքային կուսակցության ԿԿ-ն ներկայումս մեծ ուշադրություն է դարձնում սուզանավերին, Կիմ Չեն Ընը  հրամայել է «արդիականացնել եւ ամրացնելդ կայանները»:

ԿԺԴՀ-ի ղեկավարը նշել է ջրասուզորդների քաղաքական եւ գաղափարական պատրաստվածության անհրաժեշտությունը, որոնք  «ապահովում են կուսակցության եւ հեղափոխության պաշտպանությունը` ԿԺԴՀ-ի ափերից հեռու հսկայական օպերատիվ տարածքներում».

Կիմ Չեն Ընը հրահանգել է բարելավել ջրասուզորդների կենցաղային պայմանները, նվիրել նրանց մի քանի հեռադիտակ եւ ինքնաձիգ, ինչպես նաեւ լուսանկարվել է նրանց հետ: