նախընտրելի դարձնել
Իրաքի Քուրդիստանի զինված խմբավորումները չեն մասնակցի «Իրաքի եւ Լեւանտի իսլամական պետություն» ահաբեկչական կազմակերպության կողմից հրահրված ապստամբության ճնշմանը:
Այդ մասին հայտարարել է ինքնավարության արտաքին գործերի վարչության ղեկավար Ֆալահ Մուստաֆա Բակիրը Kyodo գործակալությանը տված հարցազրույցում, հաղորդում է «ԻՏԱՌ-ՏԱՍՍ»-ը:
«Մենք մտադիր չենք մասնակցել Իրաքի զինված ուժերի կողմից ներկայումս անցկացվող գործողություններին», - հաղորդել է Բակիրը: Քուրդիստանի արտաքին գործերի փաստացի նախարարի խոսքով՝ «մեր կազմավորումների խնդիրը քրդական տարածքների պաշտպանությունն է»:
Ֆալահ Մուստաֆա Բակիրը Իրաքի զինված ուժերին նաեւ խիստ քննադատության է ենթարկել:
«Նրանք զինված էին ամերիկյան զորքերի կողմից, ստացել բարձր արդյունավետությամբ աչքի ընկնող հրացաններ, սակայն տապալվել են, քանի որ նրանց մոտ բացակայում է մարտական ոգին», - նշել է քուրդ պաշտոնյան:
Հիշեցնենք, որ «Իրաքի եւ Լեւանտի իսլամական պետություն» կազմակերպությունը հունիսի սկզբին վերահսկողություն է սահմանել իրաքյան Նայովա նահանգի նկատմամբ՝ զավթելով վարչական կենտրոն Մոսուլը: Ըստ ստացված հաղորդագրությունների, այնտեղից ստիպված են եղել փախչել մոտ 500 հազար մարդ:
