նախընտրելի դարձնել
Ռուսաստանի նախագահ Վլադիմիր Պուտինը հեռախոսազրույց է ունեցել Ուկրաինայի նախագահ Պյոտր Պորոշենկոյի հետ:
«Նախագահները քննարկել են ռուս-ուկրաինական երկկողմ հարաբերությունների արդիական հարցեր: Անդրադարձել են նաեւ Ուկրաինայի հարավ-արեւելքում հրադադարի հնարավորությա թեմային», — ասվում է Կրեմլի հաղորդագրությունում:
Բացի դրանից, Ռուսաստանի նախագահը իր անհանգստությունն է հայտնել Լուգանսկի մարզում ռուսաստանցի լրագրողների զոհվելու կապակցությամբ եւ ընդգծել հակամարտության գոտում լրատվամիջոցների ներկայացուցիչների պաշտպանության անհրաժեշտությունը, նշվում է Պուտինի մամուլի ծառայության հաղորդագրությունում:
Պորոշենկոն իր հերթին Պուտինին ասել է, որ Ուկրաինան հեռուստատեսության զոհված աշխատակիցների մահվան հետաքննություն կանցկացնի։
Հիշեցնենք, հունիսի 17-ին Լուգանսկում զոհվել էին թղթակից Իգոր Կոռնելյուկը եւ ձայնային ռեժիսոր Անտոն Վոլոշինը:
